|
कुलपति उषा अग्रवालको
सन्देश
सबै संकाय तथा कर्मचारी सदस्यहरूको साथ म उच्च शिक्षाका सबै
छात्रहरूलाई ईआईआईएलएम विश्वविद्यालयमा स्वागत गर्छु ।
हाम्रो उद्देश्य वर्तमान ग्लोबल विजनेस वर्ल्डको प्रत्येक
क्षेत्रमा विश्व स्तरीय दक्षता तथा अभिनव शिक्षा प्रदान
गर्नु हो । हामी यस्तो शिक्षा प्रणाली उपलब्ध गराउने
आकांक्षा राख्छौ जसले रोजगार प्रदान गर्नबाट अगाडि बढेर
आजीवन व्यवसायिक तथा व्यक्तित्व विकासको जगमा ध्यान
केन्द्रित गरोस् । हाम्रो उद्देश्य विश्वको सबैभन्दा
प्रगतिशील विश्वविद्यालय बन्नु हो जसलाई आफ्नो अध्यापन तथा
शिक्षण, अनुसंधान, भागीदारी, अन्तर्राष्ट्रिय कार्यकलापहरू
तथा सहयोगको प्रासंगिकता, नवीनता तथा जागरूकताको लागि
मान्यता प्राप्त भएको होस् । हामी त्यस्तो स्नातक तयार
गर्ने प्रयास गर्छौ जसलाई राष्ट्रिय तथा अन्तर्राष्ट्रिय
बजारमा तत्काल रोजगारी तथा स्वीकृति प्राप्त हुन सकोस् ।
हामी विश्व कार्य स्थलमा छात्रहरूको दक्षता तथा सहयोगलाई
मान्यता दिन्छौ अनि अधिकतम छात्रहरूलाई असल भन्दा असल
प्रासंगिक शिक्षा गराउन सकौ भन्ने हाम्रो प्रयास रहेको छ ।
ईआईआईएलएम विश्वविद्यालय भौगोलिक तथा आर्थिक अवरोध भन्दा
पर गएर छात्रहरूसम्म पुग्ने, तिनीहरूको सपना तथा
आकांक्षाहरूलाई पुरा गर्नको लागि अभिनव शिक्षाको पथ
प्रदर्शक बन्ने प्रयास गरि रहेको छ । आधुनिक अनुसंधानलाई
प्रयोग गर्दै उदाउँदै गरेको बजार तथा उद्योगहरूको लागि
विश्व स्तरमा विषयहरूको सुरुवात गरेर यो विश्वविद्यालय
परम्परागत शिक्षा भन्दा अगाडि छ । विश्वविद्यालय क्याम्पस
तपाईको पथ प्रदर्शक बन्ने वचन दिन्छ ।
विश्व परिवेशमा छात्रहरूको रोजगारी उपयोगिता तथा
प्रतिस्पर्धात्मक योग्यतामा वृद्धि गर्नको लागि ज्ञान तथा
कौशल महत्त्वपूर्ण कारक रहेको छ तर त्यस्तो प्रशिक्षित तथा
व्यवसायिक जनशक्तिको मागमा वृद्धि गर्नको लागि आर्थिक
विकासको परिवेश तथा अवसर परम आवश्यक हुन्छ । यो
विश्वविद्यालयले प्रतिभाको व्यापक स्रोत तयार गर्नमा
प्राविधिक विकासको प्रक्रियामा सहयोग गरि रहेको छ जसले
राष्ट्रको आर्थिक तथा सामाजिक विकासमा महत्त्वपूर्ण सहयोग
दिन सक्छ । यस बारेमा हामी युवा शोध छात्रहरूलाई
प्रोत्साहित गरि रहेका छौ अनि तिनीहरूलाई व्यवसायिक तथा
व्यक्तिगत रूपले विकसित हुनको लागि आवश्यक हुने वातावरण
उपलब्ध गराइ रहेका छौ ।
जीवनमा कुनै एउटा संस्था चयन गर्नु एउटा महत्त्वपूर्ण
निर्णय हुन्छ भन्ने कुरालाई हामी मान्छौ । बढी मार्गदर्शन
तथा सहायताको लागि तपाई हाम्रो परामर्श दाताहरूसँग खुसीसाथ
विचार विमर्श गर्न सक्नुहुन्छ । |
